Support Torah
Recordings

Mamer Chapter 1 in yiddish

Mamer Chapter 1 in yiddish
Prev Search
0:00 0:00
Next

בס"ד, יב תמוז, תרנ"ג.

אִיתָא בְּמֶדְרַש תִּילִּים רַבִּי אֱלִיעֶזֶר אוֹמֵר, אָמְרוּ יִשְׂרָאֵל לִפְנֵי הַקָּדוֹשׁ בָּרוּךְ הוּא, רִבּוֹנוֹ שֶל עוֹלָם, רוֹצִין אָנוּ לִיגַע בַּתּוֹרָה יוֹמָם וָלַיְלָה, אֲבָל אֵין לָנוּ פְּנַאי.

אִידֻן זָאגֻן צוּם אֹויבֶּערְשְׁטֻן: רִבֹּונֹו שֶׁל עֹולָם, מִיר וִוילֻן הָארֶעוֶוען אִין תֹּורָה טָאג אוּן נַאכְט, אָבֶּער מִיר הָאבֶּען נִיט קֵיין צַייט. 

אָמַר לָהֶם הַקָּדוֹשׁ בָּרוּךְ הוּא, קַיְּימוּ מִצְוַת תְּפִילִּין, וּמַעֲלֶה אֲנִי עֲלֵיכֶם, כְּאִלּוּ אַתֶּם יְגֵיעִים בַּתּוֹרָה יוֹמָם וָלַיְלָה.

זָאגְט דֶער אוֹיבֶּערְשְׁטֶער צוּ אִידֻן: זַייט מְקַיֵים מִצְוַת תְּפִילִין, וֶועל אִיך אַייך פַארְרֶעכֶענֶען וִוי אִיר וָואלְט הָארֶעוֶוען אִין תֹּוָרה טָאג אוּן נַאכְט. 

אִיז לִכְאֹורָה נִיט פַארְשְׁטַאנְדִיק, וָואס אִיז דֶער עִנְיַן פוּן מִצְוַת תְּפִילִּין וָואס פַארְטְרֶעט לִימוּד הַתֹּורָה, אוּן וָואס אִיז דִי שַׁיְיכוּת פוּן דִי צְוֵוי עִנְיָנִים, תְּפִילִין אוּן לִימוּד הַתֹּורָה, אֵיינֶער צוּם צְוֵוייטֻן.

נָאר דֶער עִנְיַן אִיז, עֶס שְׁטֵייט דָאך "מַגִּיד דְּבָרָיו לְיַעֲקֹב חוּקָּיו וּמִשְׁפָּטָיו לְיִשְׂרָאֵל" זָאגְט דֶער מִדְרָשׁ אֹויף דֶעם יֵשׁ מִי שֶׁהוּא מְצַוֶּה לַאֲחֵרִים לַעֲשׂוֹת וְהוּא אֵינוֹ עוֹשֶׂה אֲבָל הַקָּדוֹשׁ בָּרוּךְ הוּא מַה שֶּׁהוּא עוֹשֶׂה אוֹמֵר לְיִשְׂרָאֵל לַעֲשׂוֹת שֶׁנֶּאֱמַר מַגִּיד דְּבָרָיו לְיַעֲקֹב חוּקָּיו וּמִשְׁפָּטָיו.

עֶס אִיז פַארַאן אֵיינֶער וָואס הֵייסְט אַנְדֶערֶע טָאן אָבֶּער עֶר אַלֵין טוּט נִיט, אָבֶּער דֶער אֹויבֶּערֱשְׁטֶער וָואס עֶר אַלֵיין טוּט הֵייסֱט עֶר אִידְן טָאן, וִוי עֶס שְׁטֵייט מַגִּיד דְּבָרָיו לְיַעֲקֹב חוּקָּיו וּמִשְׁפָּטָיו, אַז זַיינֶע דְבָרִים חוּקִים וּמִשׁפָּטִים וָואס עֶר אַלֵיין טוּט, זָאגְט עֶר אִידְן צוּ טָאן.

אוּן דֶער פְּשַׁט פוּן "מַה שֶּׁהוּא עוֹשֶׂה" אִיז, וֶוער אִיז גּוֹרֵם אַז דֶער אֹויבֶּערְשְׁטֶער זָאל טָאן מִצְוֹות, דוּרְכְדֶעם וָואס אִידְן טוּעֶן דִי מִצְוֹות זַיינֶען זֵיי גֹורֵם אַז דֶער אֹויבֶּערְשְׁטֶער זָאל טָאן אָט-דִי מִצְוֹות, קוּמְט דָאך אֹויס, אַז דוּרְכְדֶעם וָואס אִידְן לֵייגְן תְּפִילִין, זַיינֶען זֵיי גֹורֵם אַז הַקָּדוֹשׁ בָּרוּךְ הוּא זָאל זַיין מַנִיחַ תְּפִילִין.

וְהִנֵּה אָמְרוּ רַזַ"ל תְּפִילִּין דְּמָארֵי עָלְמָא מַה כְּתִיב בְּהוּ? וּמִי כְעַמְּךָ כְּיִשְׂרָאֵל גּוֹי אֶחָד בָּאָרֶץ. אַז אִין דֶעם אֹויבֶּערְשְׁטְנְס תְּפִילִין שְׁטֵייט דִי מַעֲלה פוּן אִידְן, אַז זֵיי זַיינֶען אַ גּוֹי אֶחָד בָּאָרֶץ, קוּמְט דָאך אֹויס אַז דוּרְכְדֶעם וָואס הַקָּדוֹשׁ בָּרוּךְ הוּא מַנִיחַ תְּפִילִּין וֶוערן אִידְן גְרֶעסֶער.

קְלֶערֶער פַארְשְׁטֵיין דֶעם עִנְיַן, עֶס שְׁטֵייט דָאך "הַשְׁקִיפָה מִמְּעוֹן קָדְשְׁךָ מִן הַשָּׁמַיִם וּבָרֵךְ אֶת עַמְּךָ יִשְׂרָאֵל". וַוייל עֶס שְׁטֵייט דָאך "רָם עַל כָּל גּוֹיִם הַוַיָ'" אַז הוּא יִתְבָּרֵך אִיז מְרוֹמָם, דֶערְהֹויבְּן פוּן וֶועלְט, אוּן מִצַּד עַצְמוּתוֹ אִיז "אִם חָטָאתָ מַה תִּפְעוֹל בּוֹ וְרַבּוּ פְשָׁעֶיךָ מַה תַּעֲשֶׂה לּוֹ אִם צָדַקְתָּ מַה תִּתֶּן לוֹ וּמַה מִּיָּדְךָ יִקָּח". אוּן אַלֶע עוֹלָמוֹת עֶלְיוֹנִים וְתַחְתּוֹנִים זַיינֶען כּוּלָּא קַמֵּיהּ כְּלָא מַמָּשׁ חֲשִׁיבִי. אוּן וִוי עֶס שְׁטֵייט כִּי נִשְׂגָּב שְׁמוֹ לְבַדּוֹ, אַז שְׁמֹו אִיז לְבַדֹו, הֶעכֶער פוּן וֶועלְט, נָאר בְּלֹויז "הוֹדוֹ" זִיווֹ אוּן אַ הַאָרָה פוּן שְׁמֹו אִיז עַל אֶרֶץ וְשָׁמָיִם.

אוּן דָאס אִיז וָואס עֶס שְׁטֵייט "כַּד סָלִיק הַקָּדוֹשׁ בָּרוּךְ הוּא לְעֵילָּא", דָאס מֵיינְט וֶוען דֶער חַיּוּת פוּן דֶער הַאָרָה וֶוערְט נִסְתַּלֵק לְמַעְלָה מַּעְלָה צוּ דֶער בְּחִינָה פוּן עַצְמוּתֹ, אוּן דֶעמָאלְט זַיינֶען דִי עוֹלָמוֹת נִיט תֹּופֵס מָקֹום, אוּן דִי הַנְהָגָה פוּן דִי עוֹלָמֹות אִיז בִּבְחִינַת שֵׁינָה כִּבְיָכוֹל, אַזֹוי וִוי אַ מֶענְטְשׁ וָואס שְׁלָאפְט, וָואס דֶער שֵׂכֶל וֶוערְט נִסְתַּלֵק פון דֶער כְּלִי  - וָואס דָאס אִיז דֶער גוּף - צוּ זַיין מָקוֹר וְשֹׁורֶשׁ, אוּן עֶס בְּלַייבְּט אִיבֶּער בְּלֹויז דֶער כֹּחַ הַדִּמְיוֹן (דֶער פָארְשְׁטֶעלוּנגְס-קְרַאפְט) וָואס דָאס אִיז בְּלֹויז אַ רֹושֶׁם.

וָואס דֶערְפַאר שְׁטֵייט "וַיִּקַץ כְּיָשֵׁן הַוַיָ'" אוּן עֶס שְׁטֵייט "עוּרָה לָמָּה תִישַׁן הַוַיָ'" אַז עֶס זָאל זַיין דֶער גִילּוּי אוֹר אֵין סוֹף בָּרוּךְ הוּא אִין חָכְמָה אוּן חֶסֶד אִין דִי בְּחִינָה פוּן עַצְמוּתוֹ וּמַהוּתוֹ יִתְבָּרֵךְ בִּכְבוֹדוֹ וּבְעַצְמוֹ, אוּן עֶס זָאל זַיין "יָאֵר פָּנָיו" עֶס זָאל מֵאִיר זַיין פְּנִימִיּוּת רְצוֹנוֹ, אוּן דָאס אִיז - דוּרך דִי הַמְשָׁכָה פוּן תּוֹרָה אוּן מִצְוֹת.

וָואס דָאס אִיז וָואס סְ'שְׁטֵייט, "הַבֵּט מִשָּׁמַיִם וּרְאֵה" אוּן  "הַשְׁקִיפָה מִמְּעוֹן קָדְשְׁךָ מִן הַשָּׁמַיִם", וָואס שָמַיִם אִיז שָׁם מַיִם , וָואס דָאס אִיז בְּחִינַת הַתּוֹרָה וֶועלְכֶע אִיז גֶעגְלִיכְן צוּ מַיִם [וִוי עֶס שְׁטֵייט "הוֹי כָּל צָמֵא לְכוּ לַמַּיִם" וָואס דָאס גֵייט אוֹיף בְּחִינַת הַתּוֹרָה כו'] אִיז דֶעמָאלְט וֶועט זַיין "וּבָרֵךְ אֶת עַמְּךָ יִשְׂרָאֵל", וַוייל דוּרך אָט דִי בְּחִינָה וֶועלְן מִיר עַם בְּנֵי יִשְׂרָאֵל, גֶעזֶען וֶוערְן פַאר דֶעם אֹויבֶּערְשְׁטְן פַאר אַ דָבָר חָשׁוּב, וַוייל דֶער עִיקַּר הַהַשָּׂגָה אוּן גִּילּוּי אִיז דוּרְך תּוֹרָה און תּוֹרָה אִיז בַּיי אוּנְז בְּהִתְגַּלּוּת.

וָואס דָאס אִיז וָואס דֶער פָּסוּק זָאגְט "נִפְתְּחוּ הַשָּׁמַיִם וָאֶרְאֶה מַרְאוֹת אֱלֹקִים", וָואס דָאס אִיז דִי בְּחִינָה פוּן אַסְפַּקְלַרְיָא הַמְּאִירָה, אַז דוּרְך דִי בְּחִינָה פוּן שָׁמַיִם (וָואס דָאס אִיז דִי בְּחִינָה פוּן תֹּורָה) זֶעט זִיך פַאר דֶעם אֹויבֶּערְשְׁטְן כִּבְיָכוֹל וִוי אֵיינֶער וָואס קוּקְט דוּרְך אַ (לַייכְטְנְדִיקֶן) פַארְגְרֶעסֶער-גְלָאז, וָואס דֶעמָאלְט זֶעט זִיך דִי זַאך אַ גְרֶעסֶערֶע אוּן בֶּעסֶערֶע וִוי אָן דֶער גְלָאז. אַזֹוי אֹויך דוּרך דִי הַבָּטָה וְהַשְׁקָפָה בִּבְחִינַת הַתּוֹרָה זֶעֶען זִיך אִידְן (וָואס זַיינֶען מְקַיֵים תֹּורָה) פַאר דֶעם אֹויבֶּערְשְׁטְן, בִּבְחִינַת שֶׁבַח וּגְדוּלָּה.

אוּן דָאס אִיז "וּמִי כְּעַמְּךָ יִשְׂרָאֵל גּוֹי אֶחָד בָּאָרֶץ" אַז זֵיי זַיינֶען מַמְשִׁיך דִי בְֹּחִינָה פון אֶחָד אִין אֶרֶץ, אַז עֶס זָאל שׁוֹרֶה זַיין אוּן מִתְגַּלֶּה וֶוערְן בְּחִינַת הַוַי' אֶחָד אִין אֶרֶץ הַתַּחְתּוֹנָה.

Leave Feedback